ᑕᒪᓂᑉᐳᒍᑦ

ᑎᐅᕆ ᐃᓱᒪᑕᕆᔭᐅᕙᒃᐳᖅ ᐊᖅᓯᒃᑯᒃ ᐃᓚᖏᓐᓂ. ᐊᖅᓯᒃᑯᓐᓂ ᐃᓚᐅᕙᓕᓚᐅᖅᓯᒪᔪᖅ 2006-ᖑᑎᓪᓗᒍ, ᐃᖏᖅᑎᐅᖃᑦᑕᖅᖢᓂ, ᐃᓪᓗᑭᓵᖅᑎᐅᖃᑕᐅᕙᒃᖢᓂ, ᐱᖑᐊᖅᑎᐅᖃᑕᐅᕙᒃᖢᓂᓗ. ᐊᖑᓇᓱᒋᐊᖅᖢᓂ ᖁᕕᐊᒋᑦᑎᐊᖅᑕᖓ, ᐊᖅᓯᒃᑯᑦ ᐱᖑᐊᖅᑎᖏᓐ ᓄᓇᒧᑦ ᐊᐅᓪᓚᑲᑕᖃᑦᑕᕐᓂᕆᔭᖏᓐᓂ ᐊᐅᓚᑦᑎᔨᐅᖃᑕᐅᖃᑦᑕᖅᓯᒪᔪᖅ. ᐅᓪᓗᒥᐅᔪᖅ ᒪᒃᑯᒃᑐᓄᑦ ᐱᓕᕆᐊᕆᔭᐅᖃᑦᑕᖅᑐᓂᒃ ᓴᖅᑭᑎᑦᑎᔨᐅᔪᖅ, ᐃᓄᐃᑦ ᐱᖁᓯᑐᖃᖅᑐᓕᕆᔨᒃᑯᓐ ᑎᑎᕋᕐᕕᖓᓐᓂ ᓄᓇᕗᑦ ᒐᕙᒪᖓᓐᓂ.

ᐃᑕᔅ ᐃᓚᐅᖃᑕᐅᓯᒪᔪᖅ ᐊᖅᓯᒃᑯᑦ ᐱᓕᕆᐊᖓᓂᒃ 2016-ᒥᓂ ᐋᖅᑭᒃᓱᐃᔨᐅᓕᖅᖢᓂᓗ, ᐃᓕᓴᐃᔨᐅᒋᓪᓗᓂ, ᓴᓇᙳᐊᑎ, ᐊᒻᒪᓗ ᐊᓈᓇᐅᓪᓗᓂ. ᐃᑲᔪᖃᑦᑕᖅᑐᖅ ᐊᖅᓯᒃᑯᑦ ᓄᓇᒧᑦ ᐊᐅᓪᓚᑲᑕᒃᑎᓪᓗᒋᑦ, ᒥᖅᓱᖅᑎᑦᑎᓕᕌᖓᑎ ᐊᒻᒪᓗ ᐊᒃᕈᐹᑦᑎᓪᓚᕆᐅᕗᖅ ᐃᓪᓗᑭᑕᖅᑎᐅᓪᓗᓂᓗ.

ᒋᓱᓪ ᕼᐊᓄᕆᑦ ᐱᓕᕆᖃᑎᖃᒐᔪᒃᑐᖅ ᖁᙱᐊᖅᑕᐅᔪᓐᓇᕐᓂᒃᑯᑦ ᓴᓇᙳᐊᖅᑎᐅᕗᖅ ᐅᑉᓴᓚᒥᖔᖅᖢᓂ, ᓱᐄᑕᓐ ᓄᓇᖓᓐᓂ. 2004−ᒥ ᐃᓱᓕᑦᑎᓚᐅᖅᑐᖅ ᖁᙱᐊᖅᑕᐅᓂᕐᒧᑦ ᐃᓕᓐᓂᐊᕐᓂᕐᒥᒃ ᓴᑖᒃᕼᐆᒻ, ᓱᐄᑕᓐᒥ ᐊᒻᒪᓗ 2007−ᒥ ᐃᓱᓕᑦᑎᒋᓪᓗᓂ ᒪᓐᑐᕆᐊ, ᑲᓇᑕᐅᑉ ᖁᙱᐊᖅᑕᐅᓂᕐᒧᑦ ᐃᓕᓐᓂᐊᕐᕕᖓᓂᒃ. ᒋᓱᓪ ᓴᓇᖃᑦᑕᖅᓯᒪᕗᖅ 7−ᓄᑦ ᐃᓄᒐᙳᐊᓕᕆᔨᒃᑯᓐᓄᑦ, ᓄᐊᕇᔭᓐᑯᑦ ᑕᑯᕋᓐᓈᒐᓕᐅᕐᕕᖓᓂᓗ, ᐊᒻᒪᓗ ᓯᕿᓂᕐᒥᖔᖅᑐᑦ ᑕᑯᕋᓐᓈᖅᑎᑦᑎᔨᒃᑯᓐᓄᑦ (Cirque du Soleil) ᖁᙱᐊᑎᑦᑎᕙᒃᑭᓪᓗᓂᓗ ᐸᔅᑯᔅ ᖁᕕᐊᓱᖃᑎᒌᓕᕌᖓᑎᑦ, ᑲᑎᖃᑎᒌᒃᑎᓪᓗᒋᓗ Royal Variety Show-ᒃᑯᑦ, ᐊᒻᒪᓗ 2006-ᖑᑎᓪᓗᒍ ᐅᑭᐅᖅᑕᖅᑐᒥᒃ ᙳᐊᕕᒡᔪᐊᖅᑎᓪᓗᒋᑦ ᖁᙱᐊᖅᑎᑦᑎᓚᐅᕆᕗᖅ. ᒫᓐᓇ ᐊᖅᓯᒃᑯᓐᓄᑦ ᓴᓇᓕᖅᑐᖅ ᑐᐱᖅ A.C.T−ᒃᑯᓐᓄᓗ ᓴᓇᙳᐊᖅᑎᑦᑎᔨᐅᓂᕐᒧᑦ ᐊᐅᓚᑦᑎᔨᐅᕗᖅ ᒪᓐᑐᕆᐊ ᖃᙱᐊᖅᑕᐅᕕᖓᓂᒃ Throw 2 Catch−ᑯᓐᓄᑦ.

ᕿᑐᖓᕆᔭᐅᔪᖅ ᐃᑦᑕᕐᓂᓴᖅᑐᓕᕆᔨᒃᑯᓐᓄᓐ, ᒋᐅᓪᒻ ᐊᐅᔭᐅᓕᑕᒫᑦ ᐃᒡᓗᓕᖕᒦᑉᐸᓚᐅᖅᐳᖅ, 15-ᓂᒃ ᐅᑭᐅᖃᓕᖅᑎᓪᓗᒍ ᑭᖑᓕᖅᐹᕆᓪᓗᓂᐅᒃ. ᐃᓕᓐᓂᐊᕐᕕᒡᔪᐊᕐᒥ ᐃᓕᓐᓂᐊᕋᓂᒃᑲᒥ ᑯᐸᒃ ᓄᓇᖓᓐᓂ, 1998-ᖑᑎᓪᓗᒍ ᐃᒡᓗᓕᖕᒧᑦ ᐅᑎᕆᐅᓕᕐᓂᖅᐳᖅ, ᑕᐃᔅᓱᒪᓂ ᐃᓕᓐᓂᐊᒃᑲᓐᓂᖅᐸᓪᓕᐊᓪᓗᓂ National Circus School-ᒥᓐ, ᐃᒡᓗᓕᖕᒥᓐᓂᖓᓂ ᒪᒃᑯᒃᑑᖃᑎᖏᑦ ᒪᒃᑯᒃᑐᓕᕆᔨᒃᑯ ᑲᑎᒪᔨᖏᓐᓃᑦᑐᑦ ᑲᑎᖃᑎᒋᓕᕐᓂᖅᐸᐃᑦ, ᐱᒋᐊᖅᑎᑦᑎᓕᖅᖢᑎ ᑕᐃᔭᐅᔪᕐᒥᒃ ᐃᓅᓯᖅ. ᒋᐅᓪᒻ ᐊᕐᕌᒍᓂᒃ ᑎᓴᒪᓂᒃ ᓱᒃ ᐃᓗᐊᒃᑯᓐᓄ (Cirque Éloize) ᐱᖑᐊᖅᑎᐅᖃᑕᐅᓪᓗᓂ ᓄᒪᑦ-ᒧᑦ, (Nomade) ᐊᐅᓚᑦᑎᔨᖓᓐ ᖃᐅᔨᒪᔭᐅᑦᑎᐊᖅᑐᖅ ᑕᓂᐅᓪ ᕕᓐᔅ ᐸᔅᑲ (Daniele Finzi Pasca). ᑕᐃᒪᖓᓂᑦ 2005-ᖑᓚᐅᖅᑎᓪᓗᒍ, ᒋᐅᓪᒻ ᐱᓕᕆᐊᕆᖃᑦᑕᖅᑕᒥᓂᒃ ᐱᒻᒪᕆᒋᔭᖃᖅᓯᒪᑦᑎᐊᖅᐳᖅ ᐃᒡᓗᓕᖕᒥ ᒪᒃᑯᒃᑐᖏᓐᓂᒃ ᐃᑲᔪᕋᓱᒃᐸᒃᑐᖅ.

ᔮᑭ ᐊᖅᓯᒃᑯᓐᓂ ᐃᓚᐅᓕᓚᐅᖅᐳ 2004-ᖑᑎᓪᓗᒍ, ᐊᖅᓯᖅ ᐱᖑᐊᖅᑎᖏᑦ ᖁᖏᐊᖅᑕᐅᓂᐊᓕᕋᖓᒥᒃ, ᖁᖏᐊᕐᕕᐅᓂᐊᖅᑐᖅ ᐅᐊᔭᓕᖅᓱᖅᐸᒃᖢᓂᐅᒃ, ᐃᑯᒪᒋᔭᐅᔪᑦ ᐊᔾᔨᒋᖏᑦᑐᑦ ᑕᖅᓴᖏᑦ ᓴᖅᑭᑎᑲᑕᒃᐸᒃᖢᓂᒋᑦ. ᓯᕕᑭᑦᑐᒥᒃ ᖁᖏᐊᖅᑕᐅᖃᑦᑕᓕᓚᐅᖅᐳᖅ ᓯᒃᑲᖓᔮᖅᑐᖑᔭᖅᖢᓂ, ᐊᑯᓂᐅᖏᑦᑐᖅ ᐃᓕᓐᓂᐊᖅᑎᑦᑎᖃᑕᐅᕙᓕᓚᖅᐳᖅ ᐱᖑᐊᖅᑎᐅᓂᕐᒥᒃ. ᐊᐅᓪᓚᖃᑦᑕᖅᓯᒪᕗᖅ ᓄᓇᕐᔪᐊᒥ ᓇᓂᑐᐃᓐᓈᓗᒃ; ᑎᒻᐸᒃᑑᒧᑦ (Timbuktu), ᒍᕇᔅᒧᑦ (Greece), ᒥᒃᓯᑯᒧᑦ (Mexico) ᕗᕐᕋᔅᒧᓪᓗ (France). ᐃᒡᓗᓕᖕᒥ ᕿᑐᕐᖓᖏᓐᓂᒃ ᐸᖅᑭᓲᖑᕗᖅ, ᐊᖅᓯᒃᑯᓪᓗ ᐱᖑᐊᕐᕕᖓᓐᓂᒃ ᐊᐅᓚᑦᑎᔨᒋᔭᐅᓪᓗᓂ, ᑕᐃᔭᐅᔪᖅ ᐸᓚᒃ ᐸᒃᔅ (Black Box).

ᓖᕕ ᑕᐋᑦᑎᐊᖅ ᐱᙳᐊᖅᑎᓪᓚᕆᐅᕗᖅ ᐃᓄᐃᒃ ᐱᙳᐊᕈᖏᓐᓂᒃ, ᐋᒃᕈᐹᑦᑎᐅᓪᓗᓂᓗ, ᑕᕐᕆᔭᓕᐅᕐᓂᕐᒧᑦ ᐱᙳᐊᖅᑎᐅᓪᓗᓂᓗ ᐊᒻᒪᓗ ᑐᕌᕈᑎᒋᔭᐅᓯᒪᓪᓗᓂᓗ ᐊᖅᓯᒃᑯᑦ ᑕᕐᕆᔮᒃᓴᓕᐊᕆᓚᐅᖅᑕᖓᓂ ᐊᑎᖃᖅᑐᒥᒃ ᐅᓂᒃᑳᖅᑐᐊᑦ. Blackbox ᐃᓂᒋᔭᖓᓄᑦ ᑭᒡᒐᖅᑐᐃᔨᐅᕗᖅ ᑐᙵᓱᒃᑎᑦᑎᕙᒃᑐᖅ ᐃᒡᓗᓕᖕᒥ ᒪᒃᑯᒃᑐᓄᑦ ᐊᒻᒪᓗ ᐃᑲᔪᖅᑐᖅᖢᑎᒃ ᑭᓇᑐᐃᓐᓇᕐᓂᑦ ᐊᒃᓱᕈᖃᑎᒌᖁᔨᓪᓗᑎᒃ.

ᒫᔭ ᐱᕈᖅᓴᓚᐅᖅᑐᖅ ᐸᓐᓇᐅᑉ ᑕᕆᐅᖓᑕ ᐊᐅᖕᓇᖅᐸᓯᐅᓂᒃ ᑰᔅ ᓵᓕᔅ ᓄᓇᖓᓐᓂ ᐊᒻᒪᓗ ᒥᓐᓄᓇᐃᑦ−ᐋᖕᓗ−ᓯᐅᓪᑎᒃ ᓯᕗᓕᕕᓂᖏᓐᓂᖔᖅᑐᖅ. ᐃᙱᖅᑎᐅᔪᖅ ᖁᓪᓗᐊᕆᐊᖅᑎᐅᓪᓗᓂᓗ ᐊᒻᒪᓗ 2019-ᖑᑎᓪᓗᒍ ᖁᙱᐊᖅᑕᐅᓂᕐᒧᑦ ᐃᓱᓕᑦᑎᓚᐅᖅᑐᖅ ᑯᐃᔅ ᐃᓕᓐᓂᐊᕐᕕᒡᔪᐊᖓᓂ. ᒡᓗᓕᖕᒧᑦ ᓂᐅᕐᕈᓚᐅᖅᖢᓂ ᓴᓇᙳᐊᖅᑏᑦ ᑕᐅᒃᓰᖃᑎᒌᒃᑎᓪᓗᒋᑦ ᐊᖅᓯᒃᑯᑎᒍᑦ ᐊᓱᐃᓛᒃ ᓄᒃᑎᓕᓚᐅᖅᑐᖅ ᓄᕙᖕᓇᕐᔪᐊᖅ ᐱᒋᐊᕐᓂᐊᓕᖅᑎᓪᓗᒍ. ᒫᔭ ᓴᓇᔪᖅ ᐊᖅᓯᒃᑯᑎᒍᑦ ᓴᓇᙳᐊᕐᓂᒃᑯᑦ, ᐃᓕᓐᓂᐊᖅᑎᑦᑎᔨᐅᓂᒃᑯᑦ, ᐊᐅᓚᑦᑎᔨᐅᓂᒃᑯᑦ, ᐊᒻᒪᓗ ᐃᑲᔪᖅᐸᒃᖢᓂ ᐋᖅᑭᒃᓱᐃᖃᑕᐅᓂᕐᒥᒃ ᓇᒧᖓᐅᓂᐊᓕᕌᖓᑎ ᐱᕙᒌᔭᕐᓂᕐᒥᒃ ᐊᒻᒪᓗ ᒥᖅᓱᖅᑎᑦᑎᓕᕌᖓᑎᒃ.

ᒪᔅᑎ ᒪᐃ ᓄᑲᖅᖠᖅᐹᖑᕗᖅ ᐊᖅᓯᒃᑯᑦ ᐃᓚᒋᔭᐅᔭᖏᓐᓂᒃ. ᐊᔪᕈᓐᓃᖅᓴᓯᒪᓪᓚᕆᒃᐳᖅ ᖁᙱᐊᖅᑕᐅᓂᕐᒧᑦ ᖃᖓᑕᕋᐅᔭᕆᐊᒃᓴᖅ, ᖁᓪᓗᐊᕆᐊᖅᑎᐅᓂᕐᒧᓪᓗ ᐊᒻᒪᓗ ᐃᓕᓐᓂᐊᖅᑎᑦᑎᔪᒪᓂᖃᑦᑎᐊᖅᖢᓂ ᐃᓄᖕᓂᒃ ᒪᒃᑯᒃᑐᓂᒡᓗ.

ᕇᓇᐅᑉ ᐱᖑᐊᖅᑎᐅᖃᑦᑕᕐᓂᕆᔭᖓᓐ ᐱᒋᐊᒻᒪᕆᓕᓚᐅᖅᓯᒪᔪᖅ 2001-ᖑᑎᓪᓗᒍ, ᐃᓚᐅᖃᑕᐅᓚᐅᖅᓯᒪᓂᖓᓐᓄᑦ ᓵᓚᒃᓴᖅᓯᒪᔪᒥᒃ ᑕᕆᔮᓕᐊᖑᓪᓗᓂ ᑕᐃᔭᐅᔪᖅ ᐊᑕᓈᕐᔪᐊᑦ ᐅᕿᓚᔪᐊᓗᒃ. ᐊᖅᓯᒃᑯᓐᓂ ᐃᓚᐅᖃᑦᑕᓕᓚᐅᖅᓯᒪᔪᖅ 2005-ᖑᑎᓪᓗᒍ, ᖃᓄᑐᐃᓐᓇᑦᑎᐊᖅ ᐱᖑᐊᕈᓐᓇᖅᖢᓂ ᖁᖏᐊᖅᑕᐅᓕᕌᖓᑎᒃ, ᓄᑭᖏᓐ ᓴᖏᑦᑎᐊᖅᖢᑎᒃ, ᐃᓪᓗᑭᓵᕈᓐᓇᖅᖢᓂᓗ. ᐃᓄᐃᑦ ᐱᖁᓯᖏᓐᓂᒃ ᖃᐅᔨᒪᔭᖃᑦᑎᐊᕐᑐᖅ, ᐊᖅᓯᒃᑯᓐᓄᑦ ᖃᐅᔨᒪᔨᐊᕆᔭᐅᕙᖕᒥᔪᖅ ᐃᓄᐃᑦ ᐱᖁᓯᖏᑦᑕ ᒥᒃᓴᓄᑦ.

ᑕᐃᓕ ᐊᔪᕈᓐᓃᖅᓴᓯᒪᓕᖅᑐᖅ ᐊᖅᓯᒃᑯᑎᒍᑦ 2017-ᒥᓂ ᐊᒻᒪᓗ ᐃᓕᑦᑎᕙᓪᓕᐊᓗᓂ ᐱᒋᐊᖅᑎᑦᑎᔨᐅᓪᓗᓂᓗ ᐊᖅᓯᒃᑯᑦ ᐋᖅᑭᒃᓱᐃᔨᖏᓐᓂᒃ.
ᐃᓕᓐᓂᐊᖅᑎᑦᑎᔪᒪᓪᓚᕆᒃᑐᖅ ᐃᓚᐅᓇᓱᑦᑐᓕᒫᓂᑦ ᐊᒻᒪᓗ ᐃᑲᔪᖅᑐᐃᑦᑎᐊᕐᕕᐅᑎᖦᖢᓂᐅᒃ ᐃᓂᒋᔭᕗᑦ. ᓵᓚᒃᓴᕋᓱᖃᑕᐅᓯᒪᖃᑦᑕᓚᐅᖅᑐᖅ ᐃᓄᐃᑦ ᐱᙳᐊᕈᓯᖏᓐᓂᒃ ᖁᑦᑎᓛᓂᑦ ᐃᓕᓐᓂᐊᖅᑎᓪᓗᒍ. ᓴᓇᙳᐊᖅᑎᐅᓂᒃᑯᑦ ᐱᓕᕆᖃᑦᑕᖅᑕᖏᑦ ᐊᒡᒐᒌᓄᑦ ᐱᓕᕆᖃᑎᒌᖕᓃᑦ, ᐊᒃᖢᓈᒃᑯᑦ, ᐃᓄᐃᑦ ᐱᙳᐊᕈᓯᖏᑦ, ᐊᒻᒪᓗ ᐃᓕᓐᓂᐊᖅᐸᓪᓕᐊᓪᓗᓂ ᕿᓚᐅᔾᔭᕐᓂᕐᒥᒃ. ᐃᓅᓯᖓᓂᒃ ᐊᒃᑐᐊᓯᒪᕗᖅ ᐸᐃᕆᓂᖅ ᓄᑲᖅᖠᓂᒃ, ᐊᖏᕐᕋᖓᓂᓘᓐᓃᑦ ᐊᒻᒪᓗᓄᓇᓕᖕᒥᑦ.

ᓴᐃᓐ ᓴᓇᓕᓚᐅᖅᐳᖅ ᐊᖅᓯᒃᑯᓐᓂᑦ ᐊᕐᕌᒍ 2023. ᐱᓕᒻᒪᒃᓴᖅᑎᑕᐅᓚᐅᖅᐳᖅ ᔨᒥᒧᑦ, ᖁᙱᐊᖅᑕᐅᕙᒃᑐᑐᖃᖅ ᐊᐅᓚᑦᑎᔨᐅᒋᓪᓗᓂ, ᐊᒻᒪᓗ ᐊᖓᔪᖅᑳᕆᔭᐅᓕᓚᐅᖅᐳᖅ ᑭᒃᑯᓕᒫᑦ ᐊᑦᑕᕐᓇᖅᑐᒦᖁᓇᒋᑦ Blackbox−ᒥ. ᑕᐃᒪᙵᓂ ᐊᒃᓱᕈᖅᖢᓂ ᐱᓕᕆᓕᓚᐅᖅᐳᖅ ᐃᓕᑦᑎᓇᓱᒃᖢᓂ ᖃᓄᑐᐃᓐᓇᑦᑎᐊᖅ. ᓴᐃᓐ ᖁᕕᐊᒋᔭᖃᖅᐳᖅ ᕿᓚᐅᔾᔭᕐᓂᕐᒥᒃ, ᓇᖕᒥᓂᖅ ᐃᓕᓚᐅᖅᓯᒪᔭᖓ 2008−ᖑᑎᓪᓗᒍ, ᐊᒻᒪᓗ ᐊᖅᓯᒃᑯᓐᓄᑦ ᖃᐅᒻᒪᖅᑯᑎᓕᕆᓂᕐᒧᑦ ᓂᐱᖃᐅᑎᓕᕆᓂᕐᒧᓪᓗ ᐱᓕᒻᒪᒃᓴᖅᐳᖅ

ᐋᓐᑕᓂ ᐃᓚᒋᔭᐅᖃᑕᐅᓕᓚᐅᖅᐳᖅ ᐊᖅᓯᒃᑯᓐᓄᑦ ᓯᑎᐱᕆ 2023 ᑕᐃᒪᙵᓂᓗ ᐱᓕᕆᖃᑕᐅᖏᓐᓇᖅᐸᓕᖅᖢᓂ ᐃᑲᔪᖅᐸᒃᖢᓂᓗ. ᐱᓕᕆᕙᒃᑕᖏᑦ ᐅᑯᐊᖑᕗᑦ ᖁᙱᐊᖅᑕᐅᓃᑦ, ᐊᒡᒐᒌᓄᑦ ᐱᙳᐊᖃᑎᒌᖕᓂᒃᑯᑦ, ᕿᓚᐅᔾᔭᕐᓂᒃᑯᓪᓗ. ᑐᑭᒧᐊᖅᑎᑦᑎᖃᑕᐅᖃᑦᑕᖅᓯᒪᔪᖅ ᖃᔅᓯᑲᓪᓚᖕᓂᑦ ᖁᙱᐊᖅᑕᐅᔪᒃᓴᓂᑦ ᐊᒻᒪᓗ ᐱᓕᕆᓪᓗᐊᑕᓂᒃ ᑕᑯᒃᓴᐅᖏᑦᑐᒃᑯᑦ, ᐃᑲᔪᖅᐸᒃᖢᓂ ᐊᔾᔨᓕᐅᕆᓂᕐᒥᒃ, ᑕᕐᕆᔮᒃᓴᓕᐅᕐᓂᕐᒥᒡᓗ, ᖁᙱᐊᖅᑕᐅᔪᒃᓴᐅᔪᓂᒃ, ᐱᓕᒻᒪᒃᓴᖅᑎᑦᑎᖃᑕᐅᕙᒃᖢᓂ, ᐊᒻᒪᓗ ᐊᖅᓯᒃᑯᑦ ᐃᑭᐊᖅᕿᕕᒃᑖᕆᐅᕋᓱᒃᑎᓪᓗᒋᑦ.

ᐊᕐᒪ ᐃᓚᒋᔭᐅᖃᑕᐅᓕᓚᐅᖅᐳᖅ ᐊᖅᓯᒃᑯᓐᓄᑦ ᓯᑎᐱᕆ 2022 ᐊᒻᒪᓗ ᐱᓕᕆᕙᒃᑕᖏᑦ ᐅᑯᐊᖑᕗᑦ ᐊᒡᒐᒌᓄᑦ ᐱᙳᐊᖃᑎᒌᖕᓂᒃᑯᑦ ᐅᓐᓂᒃᑳᖅᑐᐊᓃᓗ, ᓴᖅᑭᔮᕐᓂᖓᒍᑦ ᐊᒻᒪᓗ ᐃᓕᖅᑯᓯᖓᒍᑦ ᖃᐅᒪᑦᑎᐊᖅᑐᖅ. ᐊᕐᒪ ᑕᑯᒃᓴᐅᑎᑦᑎᓯᒪᕗᖅ ᐊᔪᖏᑦᑎᐊᕐᓂᕐᒥᓂᒃ ᖃᖓᑕᔪᓐᓇᕐᓂᕐᒥᓂᒃ ᑲᑎᙵᓂᐅᔪᓂ, ᑕᑯᒃᓴᐅᑎᑦᑎᓪᓗᓂ ᐱᔪᓐᓇᑦᑎᐊᕐᓂᕐᒥᓂᒃ, ᓴᙱᓂᕐᒥᒃ, ᐊᒻᒪᓗ ᐅᒃᐱᕆᔭᖃᕐᓂᕐᒥᓂᒃ ᐱᙳᐊᖅᑎᐅᖃᑎᒌᓂᒃ. ᒫᓐᓇᓵᖅ, ᐃᓕᑦᑎᕙᓪᓕᐊᓕᓚᐅᖅᐳᖅ ᐃᓄᐃᑦ ᐱᖅᑯᓯᖓᓂ ᑲᑕᔾᔭᕐᓂᕐᒥᒃ, ᐃᒃᐱᒍᓱᑦᑎᐊᖅᖢᓂ ᐃᓄᐃᑦ ᐃᓕᖅᑯᓯᖏᓐᓂᒃ ᐃᒃᐱᒍᓱᑦᑎᐊᕐᓂᒃᑯᑦ ᖃᐅᔨᔪᒪᓂᖃᑦᑎᐊᕐᓂᒃᑯᓪᓗ.

12−ᓂ ᐅᑭᐅᖃᑐᐃᓐᓇᖅᑎᓪᓗᒍ, ᓂᑕ ᐅᖔᓛᖅ ᐃᓚᒋᔭᐅᖃᑕᐅᓕᓚᐅᖅᐳᖅ ᐊᖅᓯᒃᑯᓐᓄᑦ 2005-ᖑᑎᓪᓗᒍ ᐊᒻᒪᓗ ᖁᕕᐊᒋᔭᖃᓪᓚᕆᓕᓚᐅᖅᐳᖅ ᖁᙱᐊᖅᑕᐅᓂᕐᒧᑦ. ᐱᔪᒪᓂᖃᑦᑎᐊᖅᖢᓂ ᐱᓕᒻᒪᒃᓴᐃᓐᓇᖅᐸᒃᖢᓂᓗ, ᖃᐅᔨᒪᔭᐅᓕᓚᐅᖅᐳᖅ ᖃᖓᑕᔪᓐᓇᑦᑎᐊᕐᓂᖓᓄᑦ ᐊᒻᒪᓗ ᐃᓱᒪᖅᓱᕈᓐᓇᑦᑎᐊᕐᓂᖓᓄᑦ ᐱᙳᐊᖅᑎᐅᓂᕐᒧᑦ. ᖁᑦᑎᓛᒥ ᐃᓕᓐᓂᐊᕐᕕᖕᒥ ᐃᓱᓕᑦᑎᐊᓚᓚᐅᖅᖢᓂ 2014-ᒥ, ᓂᑮᑕ ᖃᐅᔨᓇᓱᓕᓚᐅᖅᐳᖅ ᐊᔾᔨᒌᖏᑦᑐᓂᒃ ᓴᓇᕝᕕᒋᓛᕈᒪᔭᒥᓂᒃ ᑕᐃᒫᒃ ᒫᓐᓇ ᓴᓇᓕᖅᐳᖅ ᓄᓘᔮᖕᓂ (ᕿᑭᖅᑕᓂ ᓴᓇᕝᕕᒃᑯᑎᒍᑦ.) ᓴᓇᔭᒃᓴᖅᑖᖅᐸᓪᓕᐊᔪᓄᑦ ᐃᓚᐅᑎᑦᑎᓂᕐᒧᓪᓗ ᐊᐅᓚᑦᑎᔨᐅᕗᖅ. ᓴᓇᕝᕕᖓᑕ ᓴᓂᐊᒍᑦ, ᐃᓕᓐᓂᐊᖅᐳᖅ ᐃᓅᓪᓗᓂ ᐋᓐᓂᐊᓯᐅᖅᑎᐅᓂᕐᒧᑦ. ᐅᓪᓗᒥ, ᐱᓪᓗᐊᑕᐅᖏᓐᓇᖅᐳᖅ ᐊᖅᓯᒃᑯᓐᓄᑦ, ᐅᐱᒍᓱᒃᖢᓂ ᐱᔨᑦᑎᕋᖅᖢᓂ ᐊᖓᔪᖅᑳᑉ ᑐᒡᓕᕆᔭᐅᓪᓗᓂ ᐊᖓᔪᖅᑳᖑᓚᐅᖅᐸᒃᖢᓂᓗ.

ᕗᕉ 22 ᐊᕐᕌᒍᐃᑦ ᐅᖓᑖᓄᑦ ᐱᓕᕆᓯᒪᓕᖅᐳᖅ ᐊᐅᓚᑦᑎᓂᕐᒥᒃ ᓄᓇᕐᔪᐊᓕᒫᓂ ᐱᓕᕆᐊᖑᔪᓂᒃ ᑮᓇᐅᔭᖁᑎᒋᔭᐅᔪᓄᓪᓗ ᐱᓕᕆᐊᖃᖅᐸᖕᓂᕐᒥᓄᑦ ᑮᓇᐅᔭᓕᕆᔨᐅᓪᓗᓂ. ᓴᓈᖓ ᐱᖃᑕᐅᕗᑦ ᐱᓕᕆᐊᖑᕙᓪᓕᐊᔪᒪᔪᓂᒃ ᑕᐅᑐᒐᖃᓪᓗᐊᑕᖅᑐᓂᒃ ᓄᓇᖃᖅᑳᖅᓯᒪᔪᓂᒃ ᓄᓇᖃᖅᑳᖅᓯᒪᔪᓄᑦ ᖃᐅᔨᒪᓂᕆᔭᐅᔪᓂᒃ ᑕᐅᖅᓰᖃᑎᖃᖅᐸᖕᓂᕐᒥᒃ, ᑕᑯᒃᓴᐅᑎᑦᑎᓪᓗᓂ ᐱᓕᕆᐊᖃᓪᓚᕆᒍᒪᓂᕐᒥᒃ ᐃᓕᖅᑯᓯᖃᑎᒌᙱᑦᑐᓂᒃ ᑲᑐᔾᔨᖃᑎᒌᖕᓂᕐᒥᒃ ᓄᓇᓕᖕᓂᓗ ᓴᙱᓂᖅᑖᖅᑎᑦᑎᓂᕐᒥᒃ. ᑖᓐᓇ ᐱᓕᕆᖃᑦᑕᖅᓯᒪᓂᖓ ᐃᑲᔪᖅᓱᐃᕗᖅ ᐱᓕᕆᐊᒃᓴᒥᓂᒃ ᓇᓗᓇᐃᖅᓯᓪᓗᓂ ᓴᙱᔪᒥᒃ ᑮᓇᐅᔭᓕᕆᓂᕐᒧᑦ ᑲᒪᔨᐅᓂᕐᒥᒃ ᐊᒻᒪᓗ ᖃᓄᖅᑑᕈᑎᒃᓴᓄᑦ ᐸᕐᓇᐅᑎᖃᕐᓂᕐᒥᒃ ᐊᖅᓯᒃᑯᓐᓄᑦ, ᐃᑲᔪᕐᓗᓂ ᑲᔪᓯᑎᑦᑎᓂᕐᒥᒃ ᐱᓕᕆᐊᒃᓴᖏᓐᓂᒃ ᓴᙱᓂᖅᑖᖅᑎᑦᑎᓂᕐᒥᒃ ᐃᓄᖕᓂᒃ ᒪᒃᑯᒃᑐᓂᒃ ᖁᙱᐊᖅᑕᐅᓂᒃᑯᑦ, ᓂᔾᔭᐅᓯᔭᕐᓂᒃᑯᑦ, ᐊᒻᒪᓗ ᑐᓴᐅᒪᔭᐅᔪᓕᕆᔾᔪᑎᒃᑯᑦ.

ᐃᓅᓯᓕᒫᕐᒥᓂᒃ ᖁᕕᐊᒋᔭᖃᖅᑐᖅ ᓂᔾᔭᐅᓯᔭᖅᑐᓂᒃ ᐊᒻᒪᓗ ᖁᙱᐊᖅᑕᐅᕙᒃᑐᓂᒃ, ᕗᕉ ᓇᓗᓇᐃᒃᑯᑕᖃᖅᐳᖅ ᔫᒐᒥ ᐃᓕᓴᐃᔨᐅᓂᕐᒧᑦ ᐊᒻᒪᓗ ᓇᖕᒥᓂᖃᖅᑎᐅᓪᓗᓂ ᒥᑭᑦᑐᒥᒃ, ᓴᐃᓕᔪᒥᒃ ᓴᓇᕝᕕᖕᒥ ᓇᐹᖅᑐᓕᖕᒥ ᕙᐃᒃᕖᔪᑦᒥ, ᑯᐸᒃᒥ. ᖁᕕᐊᒋᔭᖃᓪᓚᕆᒃᐳᖅ ᐃᓕᖅᑯᓯᑐᖃᒃᑯᑦ ᖃᐅᔨᒪᓂᕆᔭᐅᔪᓂᒃ, ᐱᓗᐊᙳᐊᖅᖢᓂ ᐊᑐᕐᓂᕐᒥᒃ ᐃᓅᓕᓴᐅᑎᓂᒃ ᐱᕈᖅᓯᐅᓂᒃ ᐱᕈᖅᑐᓂᒡᓗ ᖃᐅᔨᓴᕐᓂᕐᒥᒃ, ᑕᒪᓐᓇᓗ ᐊᑕᖐᓪᓗᓂ ᐱᓕᕆᐊᖃᖅᐸᖕᓂᖓᓄᑦ ᖃᓄᐃᖏᑦᑎᐊᕈᓐᓇᕐᓂᕐᒧᒃ ᓄᓇᓕᖏᓂᓗ ᑲᒪᒋᔭᖃᖅᐸᖕᓂᕐᒧᑦ. ᖁᕕᐊᒋᔭᖃᒻᒪᕆᖕᓂᖓ ᓴᓇᑐᓂᕐᒥᒃ, ᖃᓄᐃᖏᑦᑎᐊᕐᓂᕐᒥᒃ, ᓄᓇᓕᖕᓂᓗ ᐃᓚᐅᑎᑦᑎᕙᖕᓂᕐᒥᒃ ᑐᓴᐅᒪᑎᑦᑎᕙᒃᐳᖅ ᑭᓱᓕᒫᓂᒃ ᐱᓕᕆᐊᕆᕙᒃᑕᒥᓂᒃ—ᑕᒪᐃᓐᓂ ᓴᓇᕝᕕᖓᒍᑦ ᓇᖕᒥᓂᕐᓗ.

ᐱᖃᓐᓇᕆᔭᓐᓄᑦ ᓴᓚᒪᓐ ᑕᐸᑦᑎᐊᖅ,

ᓴᓪ ᑕᑯᔭᕆᐅᖅᑎᓪᓗᒍ, ᐱᓱᔪᒃᓯᒪᓚᐅᖅᓯᒪᕗᖓ ᐃᒡᓗᓕᐅᑉ ᐅᖓᑎᑦᑎᐊᖓᓐᓂ, ᐱᓯᒃᓯᒐ ᓇᒃᓴᖅᖢᒍ. ᐃᓱᒫᓗᖏᑦᑐᖅ, ᐃᓱᒪᒋᔭᖃᓱᖑᓪᓗᓂ ᐃᓅᖃᑎᒥᓂ, ᐃᓱᒪᑐᓪᓗᓂ, ᐃᔨᖏᑦ ᑕᑯᓪᓗᒋᑦ ᐃᔨᖕᓄᑦᑎᐊᖅ ᑕᐅᑐᒍᓐᓇᖅᖢᓂ. ᑕᐃᒪᐅᓚᐅᖅᑎᓪᓗᒍ ᐊᖅᓯᒃᑯᓐᓄᑦ ᐃᓚᐅᓕᓚᐅᖅᓯᒪᔪᖅ, ᐱᖑᐊᖅᑕᐅᓂᖅ ᑕᐃᔭᐅᔪᖅ ᑲᐅᔾᔭᒡᔪᒃ ᖁᖏᐊᖅᑕᐅᖃᑕᐅᔭᕆᐅᕈᑎᒋᓪᓗᓂᐅᒃ 2004-ᒥ.

ᐅᕙᑎᓐᓄᓐ ᐅᖃᖃᑎᒋᒃᖢᓄᒃ ᐅᖃᐅᑎᓚᐅᖅᓯᒪᒐᒃᑯ ᐊᖅᓯᒃᑯᓐᓂ ᐃᓚᐅᖏᓐᓇᕐᓂᐊᖅᐸ ᐊᕌᒍᒃᑯᓂ ᐃᒡᓗᓕᖕᒧᑦ ᓅᓐᓇᔭᕐᓂᕋᖅᖢᖓ, ᐃᓚᐅᓇᔭᕈᓂ ᐃᑲᔪᖅᐸᒡᓗᓂ ᐊᖅᓯᒃᑯᓐᓂ. ᐊᖏᕐᒪᓐ ᐊᕐᕌᒍᑎᓪᓗᒍ ᐃᒡᓗᓕᖕᒧᑦ ᓄᓕᓚᐅᖅᓯᒪᕗᖓ,

ᓴᓪ ᐃᑲᔪᖃᑦᑕᖅᖢᓂ ᐊᖅᓯᒃᑯᓐᓂ, ᐅᒻᒪᑎᒥᓂᖓᖅᑐᒥ, ᑎᒥᖓᓐᓂᖓᖅᑐᒥᒃ, ᑕᕐᓂᖓᓐᓂᓪᓗ, ᐊᓐᓂᖅᓯᒪᔭᖏᓪᓗ ᓴᖅᑭᑎᐅᕋᖅᖢᓂᒋᑦ ᐱᖑᐊᕐᓂᒃᑯᑦ.

ᐊᒃᓱᕈᖏᒃᑲᓗᐊᕐᓗᓂ ᐅᕙᑦᑎᓐᓂᓗᒃᑖᖅ ᓴᖅᑭᑎᑦᑎᔪᓐᓇᓛᖑᓚᐅᖅᑐᖅ ᖁᖏᐊᖅᑕᐅᔾᔪᑎᒃᓴᓂᒃ. ᑐᓐᓂᖅᑯᓯᐊᖃᓚᐅᖅᑐᖅ, ᑕᑯᔪᒥᓇᖏᑦᑐᓂᒃ, ᐃᓱᒪᓇᖏᑦᑐᓂᒡᓗ ᓴᖅᑭᑎᑦᑎᕙᒃᖢᓂ, ᑎᑎᕋᖅᑎᐅᓪᓗᓂ, ᐃᖃᖏᑦᑐᓪᓗᓂ, ᐃᖏᐅᓯᓕᐅᖅᐸᒃᖢᓂᓗ… ᐱᖑᐊᖅᑎᒻᒪᕆᐅᓚᐅᖅᑐᖅ.

ᐃᓱᒪᖅᓱᖃᑦᑕᕈᒪᓪᓗᓂ ᓱᓕᐅᒐᓗᐊᖅ, ᕿᒪᓚᐅᕐᒫᑎᒍᑦ, ᐃᖅᑲᐅᒪᖃᑦᑕᓕᖅᖢᑎᒍᑦ. ᒪᓐᓇᒧᑦ ᓱᓕ ᖃᐅᔨᒪᖏᓚᖓ ᖃᓄᖅ ᑐᖁᓚᐅᕐᒪᖓᓐ.
ᑕᐃᒪᑐᖅ ᐃᓱᒪᖅᓱᓕᕆᑦ ᓴᓪ.
ᒋᐅᓪᒻ ᐃᑦᑐᒃᓴᕐᔪᐊᑦ ᓴᓚᑕᓐ

ᔪᐃ,

ᑕᑯᔭᕆᐅᓚᐅᖅᓯᒪᒋᕙᒋᑦ 2004-ᒥᑦ, ᑕᐃᓱᒪᓂ ᑲᐅᔾᔭᒡᔪ ᖁᖏᐊᖅᑕᐅᓂᐅᓚᐅᖅᓯᒪᔪᒥᒃ ᒧᒥᖅᑎᖏᓐᓂ ᐃᓚᐅᑎᓪᓗᑎᑦ. ᖃᐅᔨᕙᓪᓕᐊᓕᕐᑎᓪᓗᒋᑦ ᐃᓄᑦᑎᐊᕙᐅᓂᕆᔭᐃᑦ ᐅᔾᔨᕆᓚᐅᖅᓯᒪᕙᕋ, ᐃᒡᓗᓕᖕᒧᑦ ᓅᑦᑐᒪᓂᕆᔭᕋ ᓴᖏᑦᑎᑉᐸᓕᖅᐸᓵᖅᖢᓂ ᓇᓗᖏᓕᕋᒪ ᐃᓚᐅᖏᓐᓇᑐᐊᕈᕕᑦ ᐊᖅᓯᒃᑯᓐᓂ ᑲᔪᓯᑦᑎᐊᕈᓐᓇᖅᑐᖅ.

ᓴᖏᓂᕆᔭᐃᓐ ᐱᒃᑯᓇᑦᑎᐊᓚᐅᖅᓯᒪᔪᖅ, ᐃᓄᖕᒥᓪᓗ ᑎᒍᒥᐊᓕᕋᖓᕕᑦ ᐊᒡᒐᐃᓐᓇᕐᓄᑦ ᖁᒻᒧᒃᑎᑦᑎᓯᒪᓪᓗᑎᑦ, ᐱᒃᑯᒋᒋᐊᓪᓚᒍᑎᒋᓪᓗᒍ ᓄᓕᐊᑯᓗᐃᓐ ᖁᒻᒧᒃᑎᖃᑦᑕᓚᐅᕋᖕᓂ, ᐊᒻᒪᐃᓛᒃ ᐸᓂᑯᓗᐃᓐ ᐳᕆᐊᓇ, ᐃᕐᓂᑯᓗᐃᓪᓗ ᕗᐊᔅᓕ. ᐃᓚᒋᑯᓗᒃᓯᒍᑦ ᖁᖏᐊᖅᑕᐅᖃᑕᐅᖃᑦᑕᖅᓯᒪᓂᕆᔭᓯ ᓄᓇᕐᔪᐊᕐᒥᐅᓕᒫᓄᑦ ᐊᒃᑐᐊᓂᖃᖅᓯᒪᔪᖅ.

ᐱᖃᓐᓇᕆᓕᓚᐅᖅᓯᒪᕙᒋᑦ ᑕᐃᒪᖓᓂᓐ, ᐃᓱᒪᕙᒃᖢᓄᒃ ᐃᒡᓗᓕᖕᒥ ᐊᔪᕈᓐᓃᖅᓴᖅᑎᑦᑎᕙᒡᓗᓄᒃ, ᖁᖏᐊᖅᑎᑦᑎᕙᒡᓗᓄᒃ, ᑲᑎᑉᐸᒡᓗᑕ ᐱᖑᐊᖅᑎᐅᖃᑎᒋᒃᑎᒍᑦ, ᐊᔪᕈᓐᓂᖅᓴᖅᐸᓪᓗᓄᒡᓗ, ᐃᓱᒪᒋᔭᖅᐳᑦ, ᐃᒃᐱᒋᔭᖅᐳᖅ ᐃᓄᖃᑎᑦᑎᓐᓄ ᑕᑯᑎᑉᐸᒡᓗᒋ ᐱᖑᐊᕐᓂᒃᑯ. ᐃᑲᔪᖅᑎᒋᒃᖢᓄᒃ ᐸᓚᒃ ᐸᒃᔅ ᓴᖅᑭᑎᓯᒪᕙᕗᑦ, ᐃᖃᐅᒪᑦᑎᐊᖅᐳᖓᓗ ᐅᖃᐅᓯᕆᓚᐅᖅᓯᒪᔭᕐᓂ “ᑕᒫᓂᑦᑐᓐᓂᕋᓗᐊᕐᓂᕈᑦᑕᓕ ᑕᓐᓇ ᐸᓚᒃ ᐸᒃᔅ ᑕᒪᓂᖏᓐᓇᓛᕐᒪᓐ”. ᑕᐃᒪᓐᓇᐅᑦᑎᐊᓕᖅᐳᖅ, ᓱᕐᓗᓕ ᑕᕐᓂᑦ ᖃᓂᒡᕕᓯᐅᖅᐸᒃᑐᑎᑦ ᑲᑎᖓᓕᕋᖓᑦᑕ, ᑮᓇᖅᐱᑦ ᑕᐅᑦᑐᖓ ᐳᐃᒍᓚᐅᖅᓯᒪᔾᔭᖏᓚᕗᑦ… ᓱᓕ ᐅᒃᐱᕆᔪᓐᓇᖏᓚᕋ ᕿᓚᖕᒥᓕᕐᓂᕐᓂ. ᔪhᐅhᐅ, ᑭᓱᑐᐃᓐᓇᕐᓂᒃ ᑕᑯᖃᖅᑕᖅᓯᒪᔪᐃᓐᓇᐅᓕᖅᐳᒍᓐ, ᐱᖅᓯᖅᑐᖅᓯᐅᒻᒪᕆᒃᐸᓚᐅᕆᓪᓗᓄᒡᓗ, ᐊᓄᕆᓯᐅᖅᖢᓄᒡᓗ, ᓯᓚᑦᑎᐊᕙᐅᓈᖅᓯᕙᒃᖢᓄᒡᓗ, ᖃᐅᒪᐃᓐᓇᖃᑦᑕᑐᖅᓯᐅᖅᖢᓄᒡᓗ. ᐅᐱᒋᑦᑎᐊᒻᒪᕆᒃᐸᕋ ᖃᐅᔨᒪᔪᓐᓇᓚᐅᕋᒃᑭᑦ, ᐱᖃᓐᓇᕆᓪᓗᑎᑦ. ᐃᖃᐃᑎᓯᒪᕙᒃᐸᑦᑎᒍᑦ ᐃᓅᓯᖅ ᐊᓐᓂᕐᓇᕐᒪᑦ, ᐃᓱᒪᒋᕙᒃᑕᕗᑦ ᐱᓕᕆᐊᕆᔪᒪᕙᒃᑕᕗᓪᓗ ᐊᑐᕈᒪᒍᑦᑎᒍ ᒪᓐᓇᒃᑯ ᐱᓕᕆᐊᕆᓇᓱᒋᐊᖃᖅᑕᕗᑦ.

ᓇᓂᒃᑲᓗᐊᖅᑎᓪᓗᑎᒃᑭᐊᖅ ᑕᐃᒪᑐᖅ ᐃᕿᐊᑦᑕᐅᓕᖅᑕᐃᓕᒋᑦ, ᑕᐃᒪᑐᖅ ᐃᓄᖕᓂ ᖁᕕᐊᓱᒃᑎᑦᑎᖃᑦᑕᐃᓐᓇᕐᓂᐊᖅᐳᑎᑦ,
ᓱᕐᓗᓕ ᓄᓇᒥᑎᓪᓗᑎᑦ ᐱᓚᐅᖅᑐᒥᓐ.

ᓇᒡᓕᒋᖦᖤᖅᐸᒋᑦ ᐱᖃᓐᓇᕆᔮᒃ
ᒋᐅᓪᒻ ᐃᑦᑐᒃᓴᕐᔪᐊᑦ ᓴᓚᑕᓐ

ᑎᐅᕆ ᐃᓱᒪᑕᕆᔭᐅᕙᒃᐳᖅ ᐊᖅᓯᒃᑯᒃ ᐃᓚᖏᓐᓂ. ᐊᖅᓯᒃᑯᓐᓂ ᐃᓚᐅᕙᓕᓚᐅᖅᓯᒪᔪᖅ 2006-ᖑᑎᓪᓗᒍ, ᐃᖏᖅᑎᐅᖃᑦᑕᖅᖢᓂ, ᐃᓪᓗᑭᓵᖅᑎᐅᖃᑕᐅᕙᒃᖢᓂ, ᐱᖑᐊᖅᑎᐅᖃᑕᐅᕙᒃᖢᓂᓗ. ᐊᖑᓇᓱᒋᐊᖅᖢᓂ ᖁᕕᐊᒋᑦᑎᐊᖅᑕᖓ, ᐊᖅᓯᒃᑯᑦ ᐱᖑᐊᖅᑎᖏᓐ ᓄᓇᒧᑦ ᐊᐅᓪᓚᑲᑕᖃᑦᑕᕐᓂᕆᔭᖏᓐᓂ ᐊᐅᓚᑦᑎᔨᐅᖃᑕᐅᖃᑦᑕᖅᓯᒪᔪᖅ. ᐅᓪᓗᒥᐅᔪᖅ ᒪᒃᑯᒃᑐᓄᑦ ᐱᓕᕆᐊᕆᔭᐅᖃᑦᑕᖅᑐᓂᒃ ᓴᖅᑭᑎᑦᑎᔨᐅᔪᖅ, ᐃᓄᐃᑦ ᐱᖁᓯᑐᖃᖅᑐᓕᕆᔨᒃᑯᓐ ᑎᑎᕋᕐᕕᖓᓐᓂ ᓄᓇᕗᑦ ᒐᕙᒪᖓᓐᓂ.

ᐃᑕᔅ ᐃᓚᐅᖃᑕᐅᓯᒪᔪᖅ ᐊᖅᓯᒃᑯᑦ ᐱᓕᕆᐊᖓᓂᒃ 2016-ᒥᓂ ᐋᖅᑭᒃᓱᐃᔨᐅᓕᖅᖢᓂᓗ, ᐃᓕᓴᐃᔨᐅᒋᓪᓗᓂ, ᓴᓇᙳᐊᑎ, ᐊᒻᒪᓗ ᐊᓈᓇᐅᓪᓗᓂ. ᐃᑲᔪᖃᑦᑕᖅᑐᖅ ᐊᖅᓯᒃᑯᑦ ᓄᓇᒧᑦ ᐊᐅᓪᓚᑲᑕᒃᑎᓪᓗᒋᑦ, ᒥᖅᓱᖅᑎᑦᑎᓕᕌᖓᑎ ᐊᒻᒪᓗ ᐊᒃᕈᐹᑦᑎᓪᓚᕆᐅᕗᖅ ᐃᓪᓗᑭᑕᖅᑎᐅᓪᓗᓂᓗ.

ᒋᓱᓪ ᕼᐊᓄᕆᑦ ᐱᓕᕆᖃᑎᖃᒐᔪᒃᑐᖅ ᖁᙱᐊᖅᑕᐅᔪᓐᓇᕐᓂᒃᑯᑦ ᓴᓇᙳᐊᖅᑎᐅᕗᖅ ᐅᑉᓴᓚᒥᖔᖅᖢᓂ, ᓱᐄᑕᓐ ᓄᓇᖓᓐᓂ. 2004−ᒥ ᐃᓱᓕᑦᑎᓚᐅᖅᑐᖅ ᖁᙱᐊᖅᑕᐅᓂᕐᒧᑦ ᐃᓕᓐᓂᐊᕐᓂᕐᒥᒃ ᓴᑖᒃᕼᐆᒻ, ᓱᐄᑕᓐᒥ ᐊᒻᒪᓗ 2007−ᒥ ᐃᓱᓕᑦᑎᒋᓪᓗᓂ ᒪᓐᑐᕆᐊ, ᑲᓇᑕᐅᑉ ᖁᙱᐊᖅᑕᐅᓂᕐᒧᑦ ᐃᓕᓐᓂᐊᕐᕕᖓᓂᒃ. ᒋᓱᓪ ᓴᓇᖃᑦᑕᖅᓯᒪᕗᖅ 7−ᓄᑦ ᐃᓄᒐᙳᐊᓕᕆᔨᒃᑯᓐᓄᑦ, ᓄᐊᕇᔭᓐᑯᑦ ᑕᑯᕋᓐᓈᒐᓕᐅᕐᕕᖓᓂᓗ, ᐊᒻᒪᓗ ᓯᕿᓂᕐᒥᖔᖅᑐᑦ ᑕᑯᕋᓐᓈᖅᑎᑦᑎᔨᒃᑯᓐᓄᑦ (Cirque du Soleil) ᖁᙱᐊᑎᑦᑎᕙᒃᑭᓪᓗᓂᓗ ᐸᔅᑯᔅ ᖁᕕᐊᓱᖃᑎᒌᓕᕌᖓᑎᑦ, ᑲᑎᖃᑎᒌᒃᑎᓪᓗᒋᓗ Royal Variety Show-ᒃᑯᑦ, ᐊᒻᒪᓗ 2006-ᖑᑎᓪᓗᒍ ᐅᑭᐅᖅᑕᖅᑐᒥᒃ ᙳᐊᕕᒡᔪᐊᖅᑎᓪᓗᒋᑦ ᖁᙱᐊᖅᑎᑦᑎᓚᐅᕆᕗᖅ. ᒫᓐᓇ ᐊᖅᓯᒃᑯᓐᓄᑦ ᓴᓇᓕᖅᑐᖅ ᑐᐱᖅ A.C.T−ᒃᑯᓐᓄᓗ ᓴᓇᙳᐊᖅᑎᑦᑎᔨᐅᓂᕐᒧᑦ ᐊᐅᓚᑦᑎᔨᐅᕗᖅ ᒪᓐᑐᕆᐊ ᖃᙱᐊᖅᑕᐅᕕᖓᓂᒃ Throw 2 Catch−ᑯᓐᓄᑦ.

ᕿᑐᖓᕆᔭᐅᔪᖅ ᐃᑦᑕᕐᓂᓴᖅᑐᓕᕆᔨᒃᑯᓐᓄᓐ, ᒋᐅᓪᒻ ᐊᐅᔭᐅᓕᑕᒫᑦ ᐃᒡᓗᓕᖕᒦᑉᐸᓚᐅᖅᐳᖅ, 15-ᓂᒃ ᐅᑭᐅᖃᓕᖅᑎᓪᓗᒍ ᑭᖑᓕᖅᐹᕆᓪᓗᓂᐅᒃ. ᐃᓕᓐᓂᐊᕐᕕᒡᔪᐊᕐᒥ ᐃᓕᓐᓂᐊᕋᓂᒃᑲᒥ ᑯᐸᒃ ᓄᓇᖓᓐᓂ, 1998-ᖑᑎᓪᓗᒍ ᐃᒡᓗᓕᖕᒧᑦ ᐅᑎᕆᐅᓕᕐᓂᖅᐳᖅ, ᑕᐃᔅᓱᒪᓂ ᐃᓕᓐᓂᐊᒃᑲᓐᓂᖅᐸᓪᓕᐊᓪᓗᓂ National Circus School-ᒥᓐ, ᐃᒡᓗᓕᖕᒥᓐᓂᖓᓂ ᒪᒃᑯᒃᑑᖃᑎᖏᑦ ᒪᒃᑯᒃᑐᓕᕆᔨᒃᑯ ᑲᑎᒪᔨᖏᓐᓃᑦᑐᑦ ᑲᑎᖃᑎᒋᓕᕐᓂᖅᐸᐃᑦ, ᐱᒋᐊᖅᑎᑦᑎᓕᖅᖢᑎ ᑕᐃᔭᐅᔪᕐᒥᒃ ᐃᓅᓯᖅ. ᒋᐅᓪᒻ ᐊᕐᕌᒍᓂᒃ ᑎᓴᒪᓂᒃ ᓱᒃ ᐃᓗᐊᒃᑯᓐᓄ (Cirque Éloize) ᐱᖑᐊᖅᑎᐅᖃᑕᐅᓪᓗᓂ ᓄᒪᑦ-ᒧᑦ, (Nomade) ᐊᐅᓚᑦᑎᔨᖓᓐ ᖃᐅᔨᒪᔭᐅᑦᑎᐊᖅᑐᖅ ᑕᓂᐅᓪ ᕕᓐᔅ ᐸᔅᑲ (Daniele Finzi Pasca). ᑕᐃᒪᖓᓂᑦ 2005-ᖑᓚᐅᖅᑎᓪᓗᒍ, ᒋᐅᓪᒻ ᐱᓕᕆᐊᕆᖃᑦᑕᖅᑕᒥᓂᒃ ᐱᒻᒪᕆᒋᔭᖃᖅᓯᒪᑦᑎᐊᖅᐳᖅ ᐃᒡᓗᓕᖕᒥ ᒪᒃᑯᒃᑐᖏᓐᓂᒃ ᐃᑲᔪᕋᓱᒃᐸᒃᑐᖅ.

ᔮᑭ ᐊᖅᓯᒃᑯᓐᓂ ᐃᓚᐅᓕᓚᐅᖅᐳ 2004-ᖑᑎᓪᓗᒍ, ᐊᖅᓯᖅ ᐱᖑᐊᖅᑎᖏᑦ ᖁᖏᐊᖅᑕᐅᓂᐊᓕᕋᖓᒥᒃ, ᖁᖏᐊᕐᕕᐅᓂᐊᖅᑐᖅ ᐅᐊᔭᓕᖅᓱᖅᐸᒃᖢᓂᐅᒃ, ᐃᑯᒪᒋᔭᐅᔪᑦ ᐊᔾᔨᒋᖏᑦᑐᑦ ᑕᖅᓴᖏᑦ ᓴᖅᑭᑎᑲᑕᒃᐸᒃᖢᓂᒋᑦ. ᓯᕕᑭᑦᑐᒥᒃ ᖁᖏᐊᖅᑕᐅᖃᑦᑕᓕᓚᐅᖅᐳᖅ ᓯᒃᑲᖓᔮᖅᑐᖑᔭᖅᖢᓂ, ᐊᑯᓂᐅᖏᑦᑐᖅ ᐃᓕᓐᓂᐊᖅᑎᑦᑎᖃᑕᐅᕙᓕᓚᖅᐳᖅ ᐱᖑᐊᖅᑎᐅᓂᕐᒥᒃ. ᐊᐅᓪᓚᖃᑦᑕᖅᓯᒪᕗᖅ ᓄᓇᕐᔪᐊᒥ ᓇᓂᑐᐃᓐᓈᓗᒃ; ᑎᒻᐸᒃᑑᒧᑦ (Timbuktu), ᒍᕇᔅᒧᑦ (Greece), ᒥᒃᓯᑯᒧᑦ (Mexico) ᕗᕐᕋᔅᒧᓪᓗ (France). ᐃᒡᓗᓕᖕᒥ ᕿᑐᕐᖓᖏᓐᓂᒃ ᐸᖅᑭᓲᖑᕗᖅ, ᐊᖅᓯᒃᑯᓪᓗ ᐱᖑᐊᕐᕕᖓᓐᓂᒃ ᐊᐅᓚᑦᑎᔨᒋᔭᐅᓪᓗᓂ, ᑕᐃᔭᐅᔪᖅ ᐸᓚᒃ ᐸᒃᔅ (Black Box).

ᓖᕕ ᑕᐋᑦᑎᐊᖅ ᐱᙳᐊᖅᑎᓪᓚᕆᐅᕗᖅ ᐃᓄᐃᒃ ᐱᙳᐊᕈᖏᓐᓂᒃ, ᐋᒃᕈᐹᑦᑎᐅᓪᓗᓂᓗ, ᑕᕐᕆᔭᓕᐅᕐᓂᕐᒧᑦ ᐱᙳᐊᖅᑎᐅᓪᓗᓂᓗ ᐊᒻᒪᓗ ᑐᕌᕈᑎᒋᔭᐅᓯᒪᓪᓗᓂᓗ ᐊᖅᓯᒃᑯᑦ ᑕᕐᕆᔮᒃᓴᓕᐊᕆᓚᐅᖅᑕᖓᓂ ᐊᑎᖃᖅᑐᒥᒃ ᐅᓂᒃᑳᖅᑐᐊᑦ. Blackbox ᐃᓂᒋᔭᖓᓄᑦ ᑭᒡᒐᖅᑐᐃᔨᐅᕗᖅ ᑐᙵᓱᒃᑎᑦᑎᕙᒃᑐᖅ ᐃᒡᓗᓕᖕᒥ ᒪᒃᑯᒃᑐᓄᑦ ᐊᒻᒪᓗ ᐃᑲᔪᖅᑐᖅᖢᑎᒃ ᑭᓇᑐᐃᓐᓇᕐᓂᑦ ᐊᒃᓱᕈᖃᑎᒌᖁᔨᓪᓗᑎᒃ.

ᒫᔭ ᐱᕈᖅᓴᓚᐅᖅᑐᖅ ᐸᓐᓇᐅᑉ ᑕᕆᐅᖓᑕ ᐊᐅᖕᓇᖅᐸᓯᐅᓂᒃ ᑰᔅ ᓵᓕᔅ ᓄᓇᖓᓐᓂ ᐊᒻᒪᓗ ᒥᓐᓄᓇᐃᑦ−ᐋᖕᓗ−ᓯᐅᓪᑎᒃ ᓯᕗᓕᕕᓂᖏᓐᓂᖔᖅᑐᖅ. ᐃᙱᖅᑎᐅᔪᖅ ᖁᓪᓗᐊᕆᐊᖅᑎᐅᓪᓗᓂᓗ ᐊᒻᒪᓗ 2019-ᖑᑎᓪᓗᒍ ᖁᙱᐊᖅᑕᐅᓂᕐᒧᑦ ᐃᓱᓕᑦᑎᓚᐅᖅᑐᖅ ᑯᐃᔅ ᐃᓕᓐᓂᐊᕐᕕᒡᔪᐊᖓᓂ. ᒡᓗᓕᖕᒧᑦ ᓂᐅᕐᕈᓚᐅᖅᖢᓂ ᓴᓇᙳᐊᖅᑏᑦ ᑕᐅᒃᓰᖃᑎᒌᒃᑎᓪᓗᒋᑦ ᐊᖅᓯᒃᑯᑎᒍᑦ ᐊᓱᐃᓛᒃ ᓄᒃᑎᓕᓚᐅᖅᑐᖅ ᓄᕙᖕᓇᕐᔪᐊᖅ ᐱᒋᐊᕐᓂᐊᓕᖅᑎᓪᓗᒍ. ᒫᔭ ᓴᓇᔪᖅ ᐊᖅᓯᒃᑯᑎᒍᑦ ᓴᓇᙳᐊᕐᓂᒃᑯᑦ, ᐃᓕᓐᓂᐊᖅᑎᑦᑎᔨᐅᓂᒃᑯᑦ, ᐊᐅᓚᑦᑎᔨᐅᓂᒃᑯᑦ, ᐊᒻᒪᓗ ᐃᑲᔪᖅᐸᒃᖢᓂ ᐋᖅᑭᒃᓱᐃᖃᑕᐅᓂᕐᒥᒃ ᓇᒧᖓᐅᓂᐊᓕᕌᖓᑎ ᐱᕙᒌᔭᕐᓂᕐᒥᒃ ᐊᒻᒪᓗ ᒥᖅᓱᖅᑎᑦᑎᓕᕌᖓᑎᒃ.

ᒪᔅᑎ ᒪᐃ ᓄᑲᖅᖠᖅᐹᖑᕗᖅ ᐊᖅᓯᒃᑯᑦ ᐃᓚᒋᔭᐅᔭᖏᓐᓂᒃ. ᐊᔪᕈᓐᓃᖅᓴᓯᒪᓪᓚᕆᒃᐳᖅ ᖁᙱᐊᖅᑕᐅᓂᕐᒧᑦ ᖃᖓᑕᕋᐅᔭᕆᐊᒃᓴᖅ, ᖁᓪᓗᐊᕆᐊᖅᑎᐅᓂᕐᒧᓪᓗ ᐊᒻᒪᓗ ᐃᓕᓐᓂᐊᖅᑎᑦᑎᔪᒪᓂᖃᑦᑎᐊᖅᖢᓂ ᐃᓄᖕᓂᒃ ᒪᒃᑯᒃᑐᓂᒡᓗ.

ᕇᓇᐅᑉ ᐱᖑᐊᖅᑎᐅᖃᑦᑕᕐᓂᕆᔭᖓᓐ ᐱᒋᐊᒻᒪᕆᓕᓚᐅᖅᓯᒪᔪᖅ 2001-ᖑᑎᓪᓗᒍ, ᐃᓚᐅᖃᑕᐅᓚᐅᖅᓯᒪᓂᖓᓐᓄᑦ ᓵᓚᒃᓴᖅᓯᒪᔪᒥᒃ ᑕᕆᔮᓕᐊᖑᓪᓗᓂ ᑕᐃᔭᐅᔪᖅ ᐊᑕᓈᕐᔪᐊᑦ ᐅᕿᓚᔪᐊᓗᒃ. ᐊᖅᓯᒃᑯᓐᓂ ᐃᓚᐅᖃᑦᑕᓕᓚᐅᖅᓯᒪᔪᖅ 2005-ᖑᑎᓪᓗᒍ, ᖃᓄᑐᐃᓐᓇᑦᑎᐊᖅ ᐱᖑᐊᕈᓐᓇᖅᖢᓂ ᖁᖏᐊᖅᑕᐅᓕᕌᖓᑎᒃ, ᓄᑭᖏᓐ ᓴᖏᑦᑎᐊᖅᖢᑎᒃ, ᐃᓪᓗᑭᓵᕈᓐᓇᖅᖢᓂᓗ. ᐃᓄᐃᑦ ᐱᖁᓯᖏᓐᓂᒃ ᖃᐅᔨᒪᔭᖃᑦᑎᐊᕐᑐᖅ, ᐊᖅᓯᒃᑯᓐᓄᑦ ᖃᐅᔨᒪᔨᐊᕆᔭᐅᕙᖕᒥᔪᖅ ᐃᓄᐃᑦ ᐱᖁᓯᖏᑦᑕ ᒥᒃᓴᓄᑦ.

ᑕᐃᓕ ᐊᔪᕈᓐᓃᖅᓴᓯᒪᓕᖅᑐᖅ ᐊᖅᓯᒃᑯᑎᒍᑦ 2017-ᒥᓂ ᐊᒻᒪᓗ ᐃᓕᑦᑎᕙᓪᓕᐊᓗᓂ ᐱᒋᐊᖅᑎᑦᑎᔨᐅᓪᓗᓂᓗ ᐊᖅᓯᒃᑯᑦ ᐋᖅᑭᒃᓱᐃᔨᖏᓐᓂᒃ.
ᐃᓕᓐᓂᐊᖅᑎᑦᑎᔪᒪᓪᓚᕆᒃᑐᖅ ᐃᓚᐅᓇᓱᑦᑐᓕᒫᓂᑦ ᐊᒻᒪᓗ ᐃᑲᔪᖅᑐᐃᑦᑎᐊᕐᕕᐅᑎᖦᖢᓂᐅᒃ ᐃᓂᒋᔭᕗᑦ. ᓵᓚᒃᓴᕋᓱᖃᑕᐅᓯᒪᖃᑦᑕᓚᐅᖅᑐᖅ ᐃᓄᐃᑦ ᐱᙳᐊᕈᓯᖏᓐᓂᒃ ᖁᑦᑎᓛᓂᑦ ᐃᓕᓐᓂᐊᖅᑎᓪᓗᒍ. ᓴᓇᙳᐊᖅᑎᐅᓂᒃᑯᑦ ᐱᓕᕆᖃᑦᑕᖅᑕᖏᑦ ᐊᒡᒐᒌᓄᑦ ᐱᓕᕆᖃᑎᒌᖕᓃᑦ, ᐊᒃᖢᓈᒃᑯᑦ, ᐃᓄᐃᑦ ᐱᙳᐊᕈᓯᖏᑦ, ᐊᒻᒪᓗ ᐃᓕᓐᓂᐊᖅᐸᓪᓕᐊᓪᓗᓂ ᕿᓚᐅᔾᔭᕐᓂᕐᒥᒃ. ᐃᓅᓯᖓᓂᒃ ᐊᒃᑐᐊᓯᒪᕗᖅ ᐸᐃᕆᓂᖅ ᓄᑲᖅᖠᓂᒃ, ᐊᖏᕐᕋᖓᓂᓘᓐᓃᑦ ᐊᒻᒪᓗᓄᓇᓕᖕᒥᑦ.

ᓴᐃᓐ ᓴᓇᓕᓚᐅᖅᐳᖅ ᐊᖅᓯᒃᑯᓐᓂᑦ ᐊᕐᕌᒍ 2023. ᐱᓕᒻᒪᒃᓴᖅᑎᑕᐅᓚᐅᖅᐳᖅ ᔨᒥᒧᑦ, ᖁᙱᐊᖅᑕᐅᕙᒃᑐᑐᖃᖅ ᐊᐅᓚᑦᑎᔨᐅᒋᓪᓗᓂ, ᐊᒻᒪᓗ ᐊᖓᔪᖅᑳᕆᔭᐅᓕᓚᐅᖅᐳᖅ ᑭᒃᑯᓕᒫᑦ ᐊᑦᑕᕐᓇᖅᑐᒦᖁᓇᒋᑦ Blackbox−ᒥ. ᑕᐃᒪᙵᓂ ᐊᒃᓱᕈᖅᖢᓂ ᐱᓕᕆᓕᓚᐅᖅᐳᖅ ᐃᓕᑦᑎᓇᓱᒃᖢᓂ ᖃᓄᑐᐃᓐᓇᑦᑎᐊᖅ. ᓴᐃᓐ ᖁᕕᐊᒋᔭᖃᖅᐳᖅ ᕿᓚᐅᔾᔭᕐᓂᕐᒥᒃ, ᓇᖕᒥᓂᖅ ᐃᓕᓚᐅᖅᓯᒪᔭᖓ 2008−ᖑᑎᓪᓗᒍ, ᐊᒻᒪᓗ ᐊᖅᓯᒃᑯᓐᓄᑦ ᖃᐅᒻᒪᖅᑯᑎᓕᕆᓂᕐᒧᑦ ᓂᐱᖃᐅᑎᓕᕆᓂᕐᒧᓪᓗ ᐱᓕᒻᒪᒃᓴᖅᐳᖅ

ᐋᓐᑕᓂ ᐃᓚᒋᔭᐅᖃᑕᐅᓕᓚᐅᖅᐳᖅ ᐊᖅᓯᒃᑯᓐᓄᑦ ᓯᑎᐱᕆ 2023 ᑕᐃᒪᙵᓂᓗ ᐱᓕᕆᖃᑕᐅᖏᓐᓇᖅᐸᓕᖅᖢᓂ ᐃᑲᔪᖅᐸᒃᖢᓂᓗ. ᐱᓕᕆᕙᒃᑕᖏᑦ ᐅᑯᐊᖑᕗᑦ ᖁᙱᐊᖅᑕᐅᓃᑦ, ᐊᒡᒐᒌᓄᑦ ᐱᙳᐊᖃᑎᒌᖕᓂᒃᑯᑦ, ᕿᓚᐅᔾᔭᕐᓂᒃᑯᓪᓗ. ᑐᑭᒧᐊᖅᑎᑦᑎᖃᑕᐅᖃᑦᑕᖅᓯᒪᔪᖅ ᖃᔅᓯᑲᓪᓚᖕᓂᑦ ᖁᙱᐊᖅᑕᐅᔪᒃᓴᓂᑦ ᐊᒻᒪᓗ ᐱᓕᕆᓪᓗᐊᑕᓂᒃ ᑕᑯᒃᓴᐅᖏᑦᑐᒃᑯᑦ, ᐃᑲᔪᖅᐸᒃᖢᓂ ᐊᔾᔨᓕᐅᕆᓂᕐᒥᒃ, ᑕᕐᕆᔮᒃᓴᓕᐅᕐᓂᕐᒥᒡᓗ, ᖁᙱᐊᖅᑕᐅᔪᒃᓴᐅᔪᓂᒃ, ᐱᓕᒻᒪᒃᓴᖅᑎᑦᑎᖃᑕᐅᕙᒃᖢᓂ, ᐊᒻᒪᓗ ᐊᖅᓯᒃᑯᑦ ᐃᑭᐊᖅᕿᕕᒃᑖᕆᐅᕋᓱᒃᑎᓪᓗᒋᑦ.

ᐊᕐᒪ ᐃᓚᒋᔭᐅᖃᑕᐅᓕᓚᐅᖅᐳᖅ ᐊᖅᓯᒃᑯᓐᓄᑦ ᓯᑎᐱᕆ 2022 ᐊᒻᒪᓗ ᐱᓕᕆᕙᒃᑕᖏᑦ ᐅᑯᐊᖑᕗᑦ ᐊᒡᒐᒌᓄᑦ ᐱᙳᐊᖃᑎᒌᖕᓂᒃᑯᑦ ᐅᓐᓂᒃᑳᖅᑐᐊᓃᓗ, ᓴᖅᑭᔮᕐᓂᖓᒍᑦ ᐊᒻᒪᓗ ᐃᓕᖅᑯᓯᖓᒍᑦ ᖃᐅᒪᑦᑎᐊᖅᑐᖅ. ᐊᕐᒪ ᑕᑯᒃᓴᐅᑎᑦᑎᓯᒪᕗᖅ ᐊᔪᖏᑦᑎᐊᕐᓂᕐᒥᓂᒃ ᖃᖓᑕᔪᓐᓇᕐᓂᕐᒥᓂᒃ ᑲᑎᙵᓂᐅᔪᓂ, ᑕᑯᒃᓴᐅᑎᑦᑎᓪᓗᓂ ᐱᔪᓐᓇᑦᑎᐊᕐᓂᕐᒥᓂᒃ, ᓴᙱᓂᕐᒥᒃ, ᐊᒻᒪᓗ ᐅᒃᐱᕆᔭᖃᕐᓂᕐᒥᓂᒃ ᐱᙳᐊᖅᑎᐅᖃᑎᒌᓂᒃ. ᒫᓐᓇᓵᖅ, ᐃᓕᑦᑎᕙᓪᓕᐊᓕᓚᐅᖅᐳᖅ ᐃᓄᐃᑦ ᐱᖅᑯᓯᖓᓂ ᑲᑕᔾᔭᕐᓂᕐᒥᒃ, ᐃᒃᐱᒍᓱᑦᑎᐊᖅᖢᓂ ᐃᓄᐃᑦ ᐃᓕᖅᑯᓯᖏᓐᓂᒃ ᐃᒃᐱᒍᓱᑦᑎᐊᕐᓂᒃᑯᑦ ᖃᐅᔨᔪᒪᓂᖃᑦᑎᐊᕐᓂᒃᑯᓪᓗ.

12−ᓂ ᐅᑭᐅᖃᑐᐃᓐᓇᖅᑎᓪᓗᒍ, ᓂᑕ ᐅᖔᓛᖅ ᐃᓚᒋᔭᐅᖃᑕᐅᓕᓚᐅᖅᐳᖅ ᐊᖅᓯᒃᑯᓐᓄᑦ 2005-ᖑᑎᓪᓗᒍ ᐊᒻᒪᓗ ᖁᕕᐊᒋᔭᖃᓪᓚᕆᓕᓚᐅᖅᐳᖅ ᖁᙱᐊᖅᑕᐅᓂᕐᒧᑦ. ᐱᔪᒪᓂᖃᑦᑎᐊᖅᖢᓂ ᐱᓕᒻᒪᒃᓴᐃᓐᓇᖅᐸᒃᖢᓂᓗ, ᖃᐅᔨᒪᔭᐅᓕᓚᐅᖅᐳᖅ ᖃᖓᑕᔪᓐᓇᑦᑎᐊᕐᓂᖓᓄᑦ ᐊᒻᒪᓗ ᐃᓱᒪᖅᓱᕈᓐᓇᑦᑎᐊᕐᓂᖓᓄᑦ ᐱᙳᐊᖅᑎᐅᓂᕐᒧᑦ. ᖁᑦᑎᓛᒥ ᐃᓕᓐᓂᐊᕐᕕᖕᒥ ᐃᓱᓕᑦᑎᐊᓚᓚᐅᖅᖢᓂ 2014-ᒥ, ᓂᑮᑕ ᖃᐅᔨᓇᓱᓕᓚᐅᖅᐳᖅ ᐊᔾᔨᒌᖏᑦᑐᓂᒃ ᓴᓇᕝᕕᒋᓛᕈᒪᔭᒥᓂᒃ ᑕᐃᒫᒃ ᒫᓐᓇ ᓴᓇᓕᖅᐳᖅ ᓄᓘᔮᖕᓂ (ᕿᑭᖅᑕᓂ ᓴᓇᕝᕕᒃᑯᑎᒍᑦ.) ᓴᓇᔭᒃᓴᖅᑖᖅᐸᓪᓕᐊᔪᓄᑦ ᐃᓚᐅᑎᑦᑎᓂᕐᒧᓪᓗ ᐊᐅᓚᑦᑎᔨᐅᕗᖅ. ᓴᓇᕝᕕᖓᑕ ᓴᓂᐊᒍᑦ, ᐃᓕᓐᓂᐊᖅᐳᖅ ᐃᓅᓪᓗᓂ ᐋᓐᓂᐊᓯᐅᖅᑎᐅᓂᕐᒧᑦ. ᐅᓪᓗᒥ, ᐱᓪᓗᐊᑕᐅᖏᓐᓇᖅᐳᖅ ᐊᖅᓯᒃᑯᓐᓄᑦ, ᐅᐱᒍᓱᒃᖢᓂ ᐱᔨᑦᑎᕋᖅᖢᓂ ᐊᖓᔪᖅᑳᑉ ᑐᒡᓕᕆᔭᐅᓪᓗᓂ ᐊᖓᔪᖅᑳᖑᓚᐅᖅᐸᒃᖢᓂᓗ.

ᕗᕉ 22 ᐊᕐᕌᒍᐃᑦ ᐅᖓᑖᓄᑦ ᐱᓕᕆᓯᒪᓕᖅᐳᖅ ᐊᐅᓚᑦᑎᓂᕐᒥᒃ ᓄᓇᕐᔪᐊᓕᒫᓂ ᐱᓕᕆᐊᖑᔪᓂᒃ ᑮᓇᐅᔭᖁᑎᒋᔭᐅᔪᓄᓪᓗ ᐱᓕᕆᐊᖃᖅᐸᖕᓂᕐᒥᓄᑦ ᑮᓇᐅᔭᓕᕆᔨᐅᓪᓗᓂ. ᓴᓈᖓ ᐱᖃᑕᐅᕗᑦ ᐱᓕᕆᐊᖑᕙᓪᓕᐊᔪᒪᔪᓂᒃ ᑕᐅᑐᒐᖃᓪᓗᐊᑕᖅᑐᓂᒃ ᓄᓇᖃᖅᑳᖅᓯᒪᔪᓂᒃ ᓄᓇᖃᖅᑳᖅᓯᒪᔪᓄᑦ ᖃᐅᔨᒪᓂᕆᔭᐅᔪᓂᒃ ᑕᐅᖅᓰᖃᑎᖃᖅᐸᖕᓂᕐᒥᒃ, ᑕᑯᒃᓴᐅᑎᑦᑎᓪᓗᓂ ᐱᓕᕆᐊᖃᓪᓚᕆᒍᒪᓂᕐᒥᒃ ᐃᓕᖅᑯᓯᖃᑎᒌᙱᑦᑐᓂᒃ ᑲᑐᔾᔨᖃᑎᒌᖕᓂᕐᒥᒃ ᓄᓇᓕᖕᓂᓗ ᓴᙱᓂᖅᑖᖅᑎᑦᑎᓂᕐᒥᒃ. ᑖᓐᓇ ᐱᓕᕆᖃᑦᑕᖅᓯᒪᓂᖓ ᐃᑲᔪᖅᓱᐃᕗᖅ ᐱᓕᕆᐊᒃᓴᒥᓂᒃ ᓇᓗᓇᐃᖅᓯᓪᓗᓂ ᓴᙱᔪᒥᒃ ᑮᓇᐅᔭᓕᕆᓂᕐᒧᑦ ᑲᒪᔨᐅᓂᕐᒥᒃ ᐊᒻᒪᓗ ᖃᓄᖅᑑᕈᑎᒃᓴᓄᑦ ᐸᕐᓇᐅᑎᖃᕐᓂᕐᒥᒃ ᐊᖅᓯᒃᑯᓐᓄᑦ, ᐃᑲᔪᕐᓗᓂ ᑲᔪᓯᑎᑦᑎᓂᕐᒥᒃ ᐱᓕᕆᐊᒃᓴᖏᓐᓂᒃ ᓴᙱᓂᖅᑖᖅᑎᑦᑎᓂᕐᒥᒃ ᐃᓄᖕᓂᒃ ᒪᒃᑯᒃᑐᓂᒃ ᖁᙱᐊᖅᑕᐅᓂᒃᑯᑦ, ᓂᔾᔭᐅᓯᔭᕐᓂᒃᑯᑦ, ᐊᒻᒪᓗ ᑐᓴᐅᒪᔭᐅᔪᓕᕆᔾᔪᑎᒃᑯᑦ.

ᐃᓅᓯᓕᒫᕐᒥᓂᒃ ᖁᕕᐊᒋᔭᖃᖅᑐᖅ ᓂᔾᔭᐅᓯᔭᖅᑐᓂᒃ ᐊᒻᒪᓗ ᖁᙱᐊᖅᑕᐅᕙᒃᑐᓂᒃ, ᕗᕉ ᓇᓗᓇᐃᒃᑯᑕᖃᖅᐳᖅ ᔫᒐᒥ ᐃᓕᓴᐃᔨᐅᓂᕐᒧᑦ ᐊᒻᒪᓗ ᓇᖕᒥᓂᖃᖅᑎᐅᓪᓗᓂ ᒥᑭᑦᑐᒥᒃ, ᓴᐃᓕᔪᒥᒃ ᓴᓇᕝᕕᖕᒥ ᓇᐹᖅᑐᓕᖕᒥ ᕙᐃᒃᕖᔪᑦᒥ, ᑯᐸᒃᒥ. ᖁᕕᐊᒋᔭᖃᓪᓚᕆᒃᐳᖅ ᐃᓕᖅᑯᓯᑐᖃᒃᑯᑦ ᖃᐅᔨᒪᓂᕆᔭᐅᔪᓂᒃ, ᐱᓗᐊᙳᐊᖅᖢᓂ ᐊᑐᕐᓂᕐᒥᒃ ᐃᓅᓕᓴᐅᑎᓂᒃ ᐱᕈᖅᓯᐅᓂᒃ ᐱᕈᖅᑐᓂᒡᓗ ᖃᐅᔨᓴᕐᓂᕐᒥᒃ, ᑕᒪᓐᓇᓗ ᐊᑕᖐᓪᓗᓂ ᐱᓕᕆᐊᖃᖅᐸᖕᓂᖓᓄᑦ ᖃᓄᐃᖏᑦᑎᐊᕈᓐᓇᕐᓂᕐᒧᒃ ᓄᓇᓕᖏᓂᓗ ᑲᒪᒋᔭᖃᖅᐸᖕᓂᕐᒧᑦ. ᖁᕕᐊᒋᔭᖃᒻᒪᕆᖕᓂᖓ ᓴᓇᑐᓂᕐᒥᒃ, ᖃᓄᐃᖏᑦᑎᐊᕐᓂᕐᒥᒃ, ᓄᓇᓕᖕᓂᓗ ᐃᓚᐅᑎᑦᑎᕙᖕᓂᕐᒥᒃ ᑐᓴᐅᒪᑎᑦᑎᕙᒃᐳᖅ ᑭᓱᓕᒫᓂᒃ ᐱᓕᕆᐊᕆᕙᒃᑕᒥᓂᒃ—ᑕᒪᐃᓐᓂ ᓴᓇᕝᕕᖓᒍᑦ ᓇᖕᒥᓂᕐᓗ.

ᐱᖃᓐᓇᕆᔭᓐᓄᑦ ᓴᓚᒪᓐ ᑕᐸᑦᑎᐊᖅ,

ᓴᓪ ᑕᑯᔭᕆᐅᖅᑎᓪᓗᒍ, ᐱᓱᔪᒃᓯᒪᓚᐅᖅᓯᒪᕗᖓ ᐃᒡᓗᓕᐅᑉ ᐅᖓᑎᑦᑎᐊᖓᓐᓂ, ᐱᓯᒃᓯᒐ ᓇᒃᓴᖅᖢᒍ. ᐃᓱᒫᓗᖏᑦᑐᖅ, ᐃᓱᒪᒋᔭᖃᓱᖑᓪᓗᓂ ᐃᓅᖃᑎᒥᓂ, ᐃᓱᒪᑐᓪᓗᓂ, ᐃᔨᖏᑦ ᑕᑯᓪᓗᒋᑦ ᐃᔨᖕᓄᑦᑎᐊᖅ ᑕᐅᑐᒍᓐᓇᖅᖢᓂ. ᑕᐃᒪᐅᓚᐅᖅᑎᓪᓗᒍ ᐊᖅᓯᒃᑯᓐᓄᑦ ᐃᓚᐅᓕᓚᐅᖅᓯᒪᔪᖅ, ᐱᖑᐊᖅᑕᐅᓂᖅ ᑕᐃᔭᐅᔪᖅ ᑲᐅᔾᔭᒡᔪᒃ ᖁᖏᐊᖅᑕᐅᖃᑕᐅᔭᕆᐅᕈᑎᒋᓪᓗᓂᐅᒃ 2004-ᒥ.

ᐅᕙᑎᓐᓄᓐ ᐅᖃᖃᑎᒋᒃᖢᓄᒃ ᐅᖃᐅᑎᓚᐅᖅᓯᒪᒐᒃᑯ ᐊᖅᓯᒃᑯᓐᓂ ᐃᓚᐅᖏᓐᓇᕐᓂᐊᖅᐸ ᐊᕌᒍᒃᑯᓂ ᐃᒡᓗᓕᖕᒧᑦ ᓅᓐᓇᔭᕐᓂᕋᖅᖢᖓ, ᐃᓚᐅᓇᔭᕈᓂ ᐃᑲᔪᖅᐸᒡᓗᓂ ᐊᖅᓯᒃᑯᓐᓂ. ᐊᖏᕐᒪᓐ ᐊᕐᕌᒍᑎᓪᓗᒍ ᐃᒡᓗᓕᖕᒧᑦ ᓄᓕᓚᐅᖅᓯᒪᕗᖓ,

ᓴᓪ ᐃᑲᔪᖃᑦᑕᖅᖢᓂ ᐊᖅᓯᒃᑯᓐᓂ, ᐅᒻᒪᑎᒥᓂᖓᖅᑐᒥ, ᑎᒥᖓᓐᓂᖓᖅᑐᒥᒃ, ᑕᕐᓂᖓᓐᓂᓪᓗ, ᐊᓐᓂᖅᓯᒪᔭᖏᓪᓗ ᓴᖅᑭᑎᐅᕋᖅᖢᓂᒋᑦ ᐱᖑᐊᕐᓂᒃᑯᑦ.

ᐊᒃᓱᕈᖏᒃᑲᓗᐊᕐᓗᓂ ᐅᕙᑦᑎᓐᓂᓗᒃᑖᖅ ᓴᖅᑭᑎᑦᑎᔪᓐᓇᓛᖑᓚᐅᖅᑐᖅ ᖁᖏᐊᖅᑕᐅᔾᔪᑎᒃᓴᓂᒃ. ᑐᓐᓂᖅᑯᓯᐊᖃᓚᐅᖅᑐᖅ, ᑕᑯᔪᒥᓇᖏᑦᑐᓂᒃ, ᐃᓱᒪᓇᖏᑦᑐᓂᒡᓗ ᓴᖅᑭᑎᑦᑎᕙᒃᖢᓂ, ᑎᑎᕋᖅᑎᐅᓪᓗᓂ, ᐃᖃᖏᑦᑐᓪᓗᓂ, ᐃᖏᐅᓯᓕᐅᖅᐸᒃᖢᓂᓗ… ᐱᖑᐊᖅᑎᒻᒪᕆᐅᓚᐅᖅᑐᖅ.

ᐃᓱᒪᖅᓱᖃᑦᑕᕈᒪᓪᓗᓂ ᓱᓕᐅᒐᓗᐊᖅ, ᕿᒪᓚᐅᕐᒫᑎᒍᑦ, ᐃᖅᑲᐅᒪᖃᑦᑕᓕᖅᖢᑎᒍᑦ. ᒪᓐᓇᒧᑦ ᓱᓕ ᖃᐅᔨᒪᖏᓚᖓ ᖃᓄᖅ ᑐᖁᓚᐅᕐᒪᖓᓐ.
ᑕᐃᒪᑐᖅ ᐃᓱᒪᖅᓱᓕᕆᑦ ᓴᓪ.
ᒋᐅᓪᒻ ᐃᑦᑐᒃᓴᕐᔪᐊᑦ ᓴᓚᑕᓐ

ᔪᐃ,

ᑕᑯᔭᕆᐅᓚᐅᖅᓯᒪᒋᕙᒋᑦ 2004-ᒥᑦ, ᑕᐃᓱᒪᓂ ᑲᐅᔾᔭᒡᔪ ᖁᖏᐊᖅᑕᐅᓂᐅᓚᐅᖅᓯᒪᔪᒥᒃ ᒧᒥᖅᑎᖏᓐᓂ ᐃᓚᐅᑎᓪᓗᑎᑦ. ᖃᐅᔨᕙᓪᓕᐊᓕᕐᑎᓪᓗᒋᑦ ᐃᓄᑦᑎᐊᕙᐅᓂᕆᔭᐃᑦ ᐅᔾᔨᕆᓚᐅᖅᓯᒪᕙᕋ, ᐃᒡᓗᓕᖕᒧᑦ ᓅᑦᑐᒪᓂᕆᔭᕋ ᓴᖏᑦᑎᑉᐸᓕᖅᐸᓵᖅᖢᓂ ᓇᓗᖏᓕᕋᒪ ᐃᓚᐅᖏᓐᓇᑐᐊᕈᕕᑦ ᐊᖅᓯᒃᑯᓐᓂ ᑲᔪᓯᑦᑎᐊᕈᓐᓇᖅᑐᖅ.

ᓴᖏᓂᕆᔭᐃᓐ ᐱᒃᑯᓇᑦᑎᐊᓚᐅᖅᓯᒪᔪᖅ, ᐃᓄᖕᒥᓪᓗ ᑎᒍᒥᐊᓕᕋᖓᕕᑦ ᐊᒡᒐᐃᓐᓇᕐᓄᑦ ᖁᒻᒧᒃᑎᑦᑎᓯᒪᓪᓗᑎᑦ, ᐱᒃᑯᒋᒋᐊᓪᓚᒍᑎᒋᓪᓗᒍ ᓄᓕᐊᑯᓗᐃᓐ ᖁᒻᒧᒃᑎᖃᑦᑕᓚᐅᕋᖕᓂ, ᐊᒻᒪᐃᓛᒃ ᐸᓂᑯᓗᐃᓐ ᐳᕆᐊᓇ, ᐃᕐᓂᑯᓗᐃᓪᓗ ᕗᐊᔅᓕ. ᐃᓚᒋᑯᓗᒃᓯᒍᑦ ᖁᖏᐊᖅᑕᐅᖃᑕᐅᖃᑦᑕᖅᓯᒪᓂᕆᔭᓯ ᓄᓇᕐᔪᐊᕐᒥᐅᓕᒫᓄᑦ ᐊᒃᑐᐊᓂᖃᖅᓯᒪᔪᖅ.

ᐱᖃᓐᓇᕆᓕᓚᐅᖅᓯᒪᕙᒋᑦ ᑕᐃᒪᖓᓂᓐ, ᐃᓱᒪᕙᒃᖢᓄᒃ ᐃᒡᓗᓕᖕᒥ ᐊᔪᕈᓐᓃᖅᓴᖅᑎᑦᑎᕙᒡᓗᓄᒃ, ᖁᖏᐊᖅᑎᑦᑎᕙᒡᓗᓄᒃ, ᑲᑎᑉᐸᒡᓗᑕ ᐱᖑᐊᖅᑎᐅᖃᑎᒋᒃᑎᒍᑦ, ᐊᔪᕈᓐᓂᖅᓴᖅᐸᓪᓗᓄᒡᓗ, ᐃᓱᒪᒋᔭᖅᐳᑦ, ᐃᒃᐱᒋᔭᖅᐳᖅ ᐃᓄᖃᑎᑦᑎᓐᓄ ᑕᑯᑎᑉᐸᒡᓗᒋ ᐱᖑᐊᕐᓂᒃᑯ. ᐃᑲᔪᖅᑎᒋᒃᖢᓄᒃ ᐸᓚᒃ ᐸᒃᔅ ᓴᖅᑭᑎᓯᒪᕙᕗᑦ, ᐃᖃᐅᒪᑦᑎᐊᖅᐳᖓᓗ ᐅᖃᐅᓯᕆᓚᐅᖅᓯᒪᔭᕐᓂ “ᑕᒫᓂᑦᑐᓐᓂᕋᓗᐊᕐᓂᕈᑦᑕᓕ ᑕᓐᓇ ᐸᓚᒃ ᐸᒃᔅ ᑕᒪᓂᖏᓐᓇᓛᕐᒪᓐ”. ᑕᐃᒪᓐᓇᐅᑦᑎᐊᓕᖅᐳᖅ, ᓱᕐᓗᓕ ᑕᕐᓂᑦ ᖃᓂᒡᕕᓯᐅᖅᐸᒃᑐᑎᑦ ᑲᑎᖓᓕᕋᖓᑦᑕ, ᑮᓇᖅᐱᑦ ᑕᐅᑦᑐᖓ ᐳᐃᒍᓚᐅᖅᓯᒪᔾᔭᖏᓚᕗᑦ… ᓱᓕ ᐅᒃᐱᕆᔪᓐᓇᖏᓚᕋ ᕿᓚᖕᒥᓕᕐᓂᕐᓂ. ᔪhᐅhᐅ, ᑭᓱᑐᐃᓐᓇᕐᓂᒃ ᑕᑯᖃᖅᑕᖅᓯᒪᔪᐃᓐᓇᐅᓕᖅᐳᒍᓐ, ᐱᖅᓯᖅᑐᖅᓯᐅᒻᒪᕆᒃᐸᓚᐅᕆᓪᓗᓄᒡᓗ, ᐊᓄᕆᓯᐅᖅᖢᓄᒡᓗ, ᓯᓚᑦᑎᐊᕙᐅᓈᖅᓯᕙᒃᖢᓄᒡᓗ, ᖃᐅᒪᐃᓐᓇᖃᑦᑕᑐᖅᓯᐅᖅᖢᓄᒡᓗ. ᐅᐱᒋᑦᑎᐊᒻᒪᕆᒃᐸᕋ ᖃᐅᔨᒪᔪᓐᓇᓚᐅᕋᒃᑭᑦ, ᐱᖃᓐᓇᕆᓪᓗᑎᑦ. ᐃᖃᐃᑎᓯᒪᕙᒃᐸᑦᑎᒍᑦ ᐃᓅᓯᖅ ᐊᓐᓂᕐᓇᕐᒪᑦ, ᐃᓱᒪᒋᕙᒃᑕᕗᑦ ᐱᓕᕆᐊᕆᔪᒪᕙᒃᑕᕗᓪᓗ ᐊᑐᕈᒪᒍᑦᑎᒍ ᒪᓐᓇᒃᑯ ᐱᓕᕆᐊᕆᓇᓱᒋᐊᖃᖅᑕᕗᑦ.

ᓇᓂᒃᑲᓗᐊᖅᑎᓪᓗᑎᒃᑭᐊᖅ ᑕᐃᒪᑐᖅ ᐃᕿᐊᑦᑕᐅᓕᖅᑕᐃᓕᒋᑦ, ᑕᐃᒪᑐᖅ ᐃᓄᖕᓂ ᖁᕕᐊᓱᒃᑎᑦᑎᖃᑦᑕᐃᓐᓇᕐᓂᐊᖅᐳᑎᑦ,
ᓱᕐᓗᓕ ᓄᓇᒥᑎᓪᓗᑎᑦ ᐱᓚᐅᖅᑐᒥᓐ.

ᓇᒡᓕᒋᖦᖤᖅᐸᒋᑦ ᐱᖃᓐᓇᕆᔮᒃ
ᒋᐅᓪᒻ ᐃᑦᑐᒃᓴᕐᔪᐊᑦ ᓴᓚᑕᓐ